ഘനശ്യാമ മേഘമേ...!!!

ഘനശ്യാമ മേഘമേ..!

ഘനശ്യാമ മേഘമേ 
വരിക നീയെന്‍റെ 
ജീവന്‍റെയറകളി-
ലൂര്‍ന്നുപോമൊരു 
ജലകണികയായ്...!!!

പെയ്തിറങ്ങുക 
വേഗമീ വിണ്ട 
മണ്ണിന്‍റെ വിരി -
മാറിലേയ്ക്കൊരു
ദാഹ തീര്‍ത്ഥമായ്...!!!

ബാപ്പു തേഞ്ഞിപ്പലം       

ശിഥില ചിന്തകള്‍ :

ആസ്വാദനം ഒരു കലയാണ്‌...!

നമുക്ക് സഹജീവികളുടെ ദുഃഖങ്ങള്‍ അവരുടെ കിടപ്പറ രഹസ്യങ്ങള്‍ 
പോലെത്തന്നെ നന്നായി ആസ്വദിക്കാനാവും.  

അതു കൊണ്ടു തന്നെയല്ലോ കദനം നിറയും കിടപ്പറ രഹസ്യങ്ങള്‍ നമ്മുടെ സ്വീകരണ മുറികളില്‍ ചാനലുകള്‍ നിറയെ സീരിയലുകളായും റിയാലിറ്റി ഷോകളായും നമ്മുടെ വീട്ടമ്മമാര്‍ നമുക്ക് മുന്നില്‍ വിളമ്പുന്നതും.... 

അതുകണ്ടു നമ്മുടെ നാരിമാര്‍ കരയുന്നതും, ചാനലുകാര്‍ പരസ്യം നല്‍കി അവരുടെ കീശ വീര്‍പ്പിക്കുന്നതും.  കുത്തകക്കാര്‍ ഒന്നിനും കൊള്ളാത്ത അവരുടെ ഉത്പന്നങ്ങള്‍ നമ്മുടെ നാരിമാര്‍ക്ക് മുഖം ചുവപ്പിക്കാന്‍ വിറ്റഴിക്കുന്നതും ... 

ഒന്നോര്‍ത്താല്‍ ഹാ എത്ര എത്ര മനോഹരമീ കാഴ്ചകള്‍ ..!!!  

ബാപ്പു തേഞ്ഞിപ്പലം