നൗഷാദ്....!!!

നൗഷാദ്....!!!

നഗരത്തിലെ
ഓവുചാലിൽ
ഒഴുകുന്ന ...
ആൾക്കൂട്ടത്തിൽ 

ഒലിച്ചുപോയ്
ഒളിമങ്ങാത്ത
ഒറ്റനക്ഷത്രം...!!!

ബാപ്പു തേഞ്ഞിപ്പലം

"സമത്വ" ജൽപ്പനങ്ങൾ...!!!

"സമത്വ" ജൽപ്പനങ്ങൾ...!!!

മദ്യക്കുപ്പിയിൽ
മുങ്ങിജീർണ്ണിച്ച-
മനം, മടുപ്പിക്കുന്ന ...
മൃഗതൃഷ്ണകൾ 
 

ശാശ്വതീകാനന്ദ
മൃത്യുവിൻകരം
വിഫലവിഭ്രമം
വെളിപാടുകൾ

ജാതിമതംദേശ-
വർണ്ണം, ഹിതം
ജൽപ്പനങ്ങൾ...
പ്രിയഗുരുശിഷ്യാ
നമോനമോവാകം...!!!

ബാപ്പു തേഞ്ഞിപ്പലം

ശ്യാമമേഘമേ ...!!!

ശ്യാമമേഘമേ ...!!!

ഘനശ്യാമ
മേഘങ്ങൾ
ആരവം ...
കൊള്ളുന്ന
ആകാശ-
ച്ചെരുവിൽ
കണ്‍ നട്ടു
ഞാൻ...!
 

നീ വരും
കൊലുസിൻ
കാലൊച്ച
കാതോർത്തിരുന്നു
ഞാൻ...!
 

ഭൂമിയുടെ
വിണ്ട
വിരിമാറിൽ
തോരാതെ
പെയ്യുന്ന
വർഷമായ്
നിന്നെ
പ്രതീക്ഷിച്ചു
ഞാൻ...!
 

ഒരു
മാത്രയെങ്കിലും
നിന്നെപ്പുണരുവാൻ
ഒരു
വട്ടമെങ്കിലും
നിന്നിലലിയുവാൻ
ഒരു
നേരമെങ്കിലും
നിന്നിൽ
കുതിർന്ന്
കുളിര്
കോരുവാൻ...!
 

ഒരു
വേഴാമ്പലിൻ
കൊടും
ദാഹമായിവിടെയീ
ഏകാന്ത
തീരത്ത്‌
എകനായിരിപ്പു
ഞാൻ
നിത്യവും
പ്രിയേ
നീ വരും
കാലൊച്ച
കേൾക്കുവാൻ
മാത്രമായ്...!!!

 

ബാപ്പു കെ തേഞ്ഞിപ്പലം

നിലമ്പൂർ ആയിഷത്താത്തയുമൊത്ത് അല്പസമയം...!!!

നിലമ്പൂർ ആയിഷത്താത്തയുമൊത്ത് അല്പസമയം...!!!

ആരാരും കൂടെയില്ലാതെ ഏകയായി മിംസ് ഹോസ്പിറ്റലിന്റെ കവാടത്തിൽ നിന്നും വളരെ സൌമ്യയും നിസ്സഹായയയുമായി പടിയിറങ്ങിപ്പോകുന്ന ഒരാൾ...,
 

ഒരു സാധാരണയായ സ്ത്രീ. വേഷ ബൂഷാദികളില്ല, മുഖത്തു മിനുങ്ങുന്ന ച്ഛായങ്ങളില്ല, ആടയാഭരണങ്ങളോന്നുമില്ല, ഒപ്പം തോഴിമാരില്ല, നല്ല പരിചയമുള്ള മുഖം, വളരെ യാദൃശ്ചികമായാണ് നിലമ്പൂര്‍ ആയിഷ ത്താത്തയെ കാണാനിടയായത്...!

...

പരിചയപ്പെട്ടപ്പോൾ ആ മുഖത്തു ഒട്ടും അപരിചിതത്വം തോന്നിയില്ല. ഒരുപാട് പരിചയമുള്ളോരാളെപ്പോലെ തോന്നിയ ധന്യമായ നിമിഷങ്ങൾ...!
 

അമ്പതുകളുടെ തുടക്കത്തില്‍ ഒരുപാട് പ്രതിബന്ധങ്ങളെ തരണം ചെയ്തു ജീവിത മാർഗ്ഗം തേടി നാടകത്തിലൂടെ തുടർന്ന് സിനി അഭിനയരംഗത്തെത്തിയ, ഇപ്പോൾ ഒരുപാട് ഷോര്ട്ട് ഫിലിമിലൂടെ നമ്മെ ചിരിപ്പിക്കൂന്ന ചിന്തിപ്പിക്കുന്ന മികച്ച അഭിനയ കാഴ്ചകൾ നമുക്ക് സമ്മാനിച്ച ഒട്ടനവദി അവാർഡുകൾ വാരിക്കൂട്ടി, ഒടുവിൽ ഒരു ജീവിത കാല അഭിനയ സപര്യക്ക് കിട്ടിയ സംസ്ഥാന പുരസ്‌കാരത്തിന്റെ നിറവിൽ തിളങ്ങി നിൽക്കുന്ന നിലമ്പൂര്‍ അയിഷ ത്താത്തയെയുമൊത്ത് അല്പസമയം പങ്കുവെയ്ക്കാൻ എനിക്ക് ഈ അവധിദിനത്തിൽ ഭാഗ്യമുണ്ടായി...!
 

ആയിഷത്താത്ത്യ്ക്ക് എല്ലാ വിധ ആയുരാരോഗ്യ സൌഖ്യങ്ങളും നേരുന്നു. സ്നേഹാശംസകളോടെ...!!!

 

ബാപ്പു കെ. തേഞ്ഞിപ്പലം

 

ഫോട്ടോ, ക്ലിക്ക് കടപ്പാട് :

 

എഫ് ബി അക്കൌണ്ടില്ലാത്ത പ്രയപ്പെട്ട കോയക്കാക്കക്ക് heart emoticon

 

 

ഭാഗ്യവാന്മാർ...!!!

ഭാഗ്യവാന്മാർ...!!!

മഷ്തിഷ്കം
മരവിച്ച
പിശാചുക്കൾ ...
മരണം വിതക്കുന്ന
രണമരുഭൂമികളിൽ
ശ്മശാനങ്ങളിലെ
ശവക്കല്ലറകളിൽ
ഉറങ്ങുന്നവരെ
നിങ്ങളത്രേ
ഭാഗ്യവാന്മാർ...!
 

എന്തെന്നാൽ
നിങ്ങൾ
തിരസ്ക്കരിച്ച
പരിഷ്കൃത
ലോകത്ത്
എന്തിനെന്നറിയാതെ
കൊല്ലപ്പെടുന്ന
കുഞ്ഞുങ്ങളുടെ
ദയനീയമായ
കരച്ചിലിനി
നിങ്ങളുടെ
കാതുകളെ
അലോസരപ്പെടുത്തില്ല...!
 

മാതൃത്വത്തിന്റെ
മധുരം നുകരുന്ന
നിഷ്കളങ്കമായ
നിലാചിരികൾ
നിസ്സഹായായ
അമ്മയുടെ
കൈകളിൽ
പിടഞ്ഞുമരിക്കുന്ന
അസഹനീയമായ
കാഴ്ച
നിങ്ങളുടെ
ഹൃദയങ്ങളെ
ഇനിവേദനിപ്പിക്കില്ല,
നിങ്ങളുടെ
കണ്ണുകളെ
ഇനി ഈറനണിയിക്കില്ല...!
 

പകരം
അവശേഷിക്കുന്ന
ഓരോ കുഞ്ഞും
ഒരു പനീർപൂവുമായ്
നിങ്ങളുടെ
ശവമാടങ്ങളിൽ
സ്നേഹം കൊണ്ട്
നിങ്ങളെ
വീർപ്പുമുട്ടിക്കുന്നു...!!!

 

ബാപ്പു കെ. തേഞ്ഞിപ്പലം

വീട്...!!!

വീട്...!!!

 

വിയർപ്പിന്റെ
ഉപ്പുകല്ലിൽ
തീർത്ത ...
അവരുടെ
വെണ്ണക്കൽ
കുടിലു
കണ്ടവർ
കോഴിക്കോട്ടെ
ഹൈലൈറ്റ്മാളെന്നു
തെറ്റിദ്ധരിച്ചു...!!! 
 

എങ്കിലും
കാര്യമറിഞ്ഞില്ല
എന്ന് നടിച്ചവർ...!
 

സ്നേഹം
വിളയുന്ന
ഭൂമിയിലെ
ഓരോ
കുടിലും
അവരവരുടെ
സ്വർഗ്ഗമാണെന്നും
സ്വകാര്യതകൾ
സ്വസ്ഥതകൾ
പൂത്തുലയുന്ന
കൊട്ടാരമാണെന്നും
മനസ്സിൽ
മൊഴിഞ്ഞു
 

ആരോടും
ഒട്ടും
പരിഭവമില്ലാതെ
നരകത്തിൽ
നിന്നും
സ്വർഗ്ഗത്തിലേയ്ക്ക്
മെല്ലെ
പടിയിറങ്ങി...!!!

 

ബാപ്പു കെ. തേഞ്ഞിപ്പലം

"പോക്കുവെയിൽ" കവിത സമർപ്പണം...!!!

"പോക്കുവെയിൽ" കവിത സമർപ്പണം...!!!

ചെനക്കലങ്ങാടി "വിദ്യാപ്രകാശിനി ഗ്രന്ഥാലയ വായനശാല" യ്ക്കുവേണ്ടി സെക്രട്ടറി, ശ്രീ മോഹൻദാസ്‌ പുതുക്കാട്ടിൽ, ട്രഷറർ, തിരൂരങ്ങാടി താലൂക്ക് ഓഫീസ്‌ "പോക്കു വെയിൽ" കവിതാ സമാഹാരം ഏറ്റുവാങ്ങി...!